ACCIDENTE DE TRÁFICO EN PLENO CENTRO DE VERIN

Cinco xóvenes da comarca de Monterrei víronse implicados esta pasada noite nun accidente de tráfico ocurrido en pleno centro de Verín, na rúa Luis Espada. O impacto dós dous vehículos foi tan impresionante que sacou á rúa de madrugada a un importante número de residentes na zona. O suceso tivo lugar ó chocar un vehículo que saía da rúa Laureano Peláez contra outro que discurría pola Luis Espada. As pegadas producidas pola freada de alo menos un dós coches son aínda visibles nesta xornada. Os feridos foron trasladados ó hospital de Verín. A pesares do impacto e do estado no que quedaron os vehículos, os cinco xóvenes están xa nas suas casas recuperándose do susto, segundo afirmaron fontes próximas os implicados no accidente.