XINZO AUGA. NOTA PRENSA MUIÑO LAMA

ASOCIACIÓN SOCIOCULTURAL
O MUÍÑO DA LAMA
C.I.F. J-32369878
PARADA DE RIBEIRA S/N
32635 XINZO DA LIMIA - OURENSE
NOTA DE PRENSA
Co rogo do seu interese e difusión
A Directiva do Muíño da Lama alerta da apreciable
insalubridade da auga da traída de Xinzo.
Despois de por en coñecemento en diversas ocasións no que vai deste mes de
xuño á empresa concesionaria da xestión das augas de Xinzo, Aquagest, do
mal estado da auga da traída municipal e trala forte cor amarela que presenta
esta semana, a directiva do Muíño da Lama fai un chamamento aos medios de
comunicación para que se fagan eco deste grave problema ante a
inoperatividade da empresa concesionaria e a pasividade total do Concello de
Xinzo.
Para o Muíño da Lama é obvio que se trata dun problema serio e grave ligado
tanto co propio sistema de depuración como da rede de abastecemento, xa
que afecta tamén a outros núcleos rurais ademais de Parada de Ribeira como
Laroá, San Pedro, Damil, Gudes ou Guntimil, polo que tamén solicitarán ó
Concello que tome medidas urxentes e de calado no canto de esixirlle a
empresa concesionaria a inmediata solvencia deste problema. De non
producirse unha resposta axeitada neste sentido e dado que se trata dun
problema que pode afectar a saúde das persoas, o Muíño da Lama informará a
Delegación de Sanidade e a Fiscalía do Medio Ambiente destes graves feitos.
Asinado, Presidente do Muíño da Lama, X.Lois Carreira a 24 de xuño de 2010.