A MEIRANDE PARTE DO COMERCIO DE VERIN ESTIVO PECHADO TODA A MAÑÁ. ALGUNS BAIXARON A PERSIANA LOGO DA VISITA DE PIQUETES

Nas comarcas de Monterrei e A Limia a xornada de folga está a transcurrir con normalidade, sin demasiadas incidencias. Boa parte do comercio pechou as portas na bisbarra de Monterrei e aqueles que optaron por abrir, baixaron a persiana ó paso de piquetes. Só se mantiveron en activo un par de cafeterías que a pesares da presencia e o ruido de piquetes mantivo as suas portas abertas. Nalgún caso, antes de pechar: piquetes e donos de establecemento intercambiaron verbas e pareceres sobre a folga, pero finalmente optaron por apagar as luces e non atender a clientes.
Claro que houbo quen entrou no seu lugar de traballo máis tarde do habitual e non porque se quedara dormido ou porque retrasara a sua chegada ó traballo senón porque, simplemente non podía entrar xa que as pechaduras apareceron con pegamento moi forte máis alambres que impediron abrir as portas. Pasou en entidades bancarias, nas oficiñas da seguridade Social, en correos, en diferentes dependencias municipais verinenses como biblioteca, pavillón...tamén nas oficiñas da policía local de Xinzo e no Concello. O mesmo pasou en varios supermercados. Neste último caso, optaron todos por pechar as portas ó longo da mañá. A Garda Civil estivo presente en varios casos ante a presencia de piquetes. Na casa do Concello de Verín que estivo custodiada pola policía local, optaron por quitarlle a pechadura para evitar que a estropearan. O longo de toda a mañá estivo sin colocar por temor a que alguén lle puxera pegamento ou silicona e impedira a saída da institución ó persoal que está traballando dentro.
Quen sí tivo que traballar na xornada de hoxe foron os cerraxeiros que non daban atendido a todas as chamadas a primeira hora da mañá. Algún traballador de banca tivo que agardar hora e media a que lle abriran a porta.
97
Con todo, aquel que deu unha volta por Verín a media mañá puido comprobar que a gran maioría de negocios pechou: uns por decisión propia e outros logo da presencia de piquetes que por certo estiveron boa parte da noite facéndose notar na rúa, o que impediu a moitos poder conciliar o sono como quixeran. Pitidos e petardos foron comúns esta noite.
Este foi parte do ambiente
108 Pola noite os piquetes tamén aproveitaron para pegar carteis en moitos negocios, algo que molestou a mais de un industrial porque a sua retirada non será doada debido á cola utilizada que deixa pegada, segundo algún comerciante.
ESCOITA EN ONDA CERO, OS DIFERENTES COMENTARIOS DE UNS E DE OUTROS NO PROGRAMA VERIN NA ONDA NA XORNADA DE HOXE