INAUGURAN OBRAS FEITAS NO RIO TAMEGA, BUBAL E RUBÍN, COA PRESENCIA DA MINISTRA PERO SIN OS ALCALDES DOS CONCELLOS PORQUE OS INVITARON UNHA HORA ANTES

A Ministra de Medio Ambiente, Rural e Marino, Elena Espinosa, estuvo hoxe en terras de Monterrei, onde inagurou as obras feitas no río Támega sobre todo, pero tamén no Bubal e no Rubín, dentro dós concellos de Verín, Oimbra e Monterrei, para fundamentalmente e evitar asolagamentos en épocas de choiva.
Trátase de actuacións feitas con cargo o Plan E e nas que se invertiron máis de dous millóns de euros.
Entre os veciños hai opinións para todos. Hai quen pensa que o investimento mereceu a pena, pero tamén hai quen pensa que se precisan máis actuacións para, efectivamente, evitar inundacións. Tamén hai cidadáns que din que as obras están ben, pero non só se pode quedar en obras, senón que hai que facer unha actuación de mantemento constante do río, para evitar que éste se encha de lixo, como é habitual ver.
En Villaza, por exemplo, os veciños están que trinan porque din que as obras en vez de beneficiar, perxudicaron dende o punto de vista dás inundacións.
O presidente da Confederación Hidrográfica do Douro, Antón Gato é dós que pensa que os traballos serviron para axudar sobre todo a que na zona urbán de Vilaza teñan menos asolagamentos, aínda que recoñeceu que a Alameda seguirá inundándose. Para evitalo haberá novas actuacións.
Por certo que os alcaldes de Monterrei e Oimbra non estiveron na inauguración. O primeiro, José Luis Suárez Conde, dixo que a ministra chegou á localidade ás 11 da mañá e a él avisárono as 10 menos cuarto. Non comparte as formas e aínda que lle gustaría recibir á ministra como se merece calqueira autoridade, por falta de tempo, decidiu non asistir. Si estiveron alcaldes e representantes socialistas da comarca e mesmo os populares de Riós e A Gudiña.
Para coñecer a nota de prensa do Ministerio sobre este tema pincha aquí